Federal High Court for Abuja don grant order of interim injunction wey go stop human rights activist Dele Farotimi from further publishing, selling, circulating, advertising, or distributing di physical/hard/digital or soft copies of di book: “Nigeria and Its Criminal Justice System”.

Justice Peter Kekemeke grant di order on Wednesday, and add direct security agencies for di kontri to stop di publication, selling and distribution of di book.

E say make security agencies to comply wit dis directive within 72 hours.

Di judge grant di order afta im listen to di exparte application wey di claimant, di managing partner at Afe Babalola law firm, Kehinde Ogunwumiju, bin file.

Credit: BBC News Pidgin
Facebook